الطعن فى قرار الحبس

فى خطوه أراها إيجابيه يعتزم محامو مجموعه (النزيلي والعريان) تقديم طعن فى قرار تجديد الحبس لمده 15 يوماً والذى أصدرته نيابة أمن الدوله يوم الأربعاء الماضى وذلك يوم الأحد القادم الموافق 2 سبتمبر

ومن المتوقع أن يتم عرض القيادات الـ 15 يوم الإثنين 3سبتمبر أمام المحكمه لنظر الطعن

.

يذكر أن القضية تضم 16 من قيادات جماعة الإخوان المسلمون فى القاهرة الكبرى والصعيد

وأنه قد تم إخلاء سبيل الدكتور محمود حسين مراعاةً لظروفه الصحيه

حبس 15 وإخلاء سبيل د. محمود

تم تجديد حبس قيادات الاخوان وعلى رأسهم الأستاذ السيد نزيلي والدكتور عصام العريان والدكتور سناء أبوزيد خمسة عشر يوماً والعرض القادم فى النيابه يوم 13 سبتمبر والذى سيوافق أول أيام شهر رمضان الكريم

.

وأيضاً انتقل رئيس النيابه إلى مستشفى القصر العينى لمقابلة الأستاذ الدكتور محمود حسين عضو مكتب الإرشاد - وتم إخلاء سبيله مراعاة ً لظروفه الصحيه حيث أنه اجريت له من ايام قليله عمليه قسطره تشخيصيه للقلب تبين أن أحد شرايين القلب مسدوده بنسبه 80% مما يحتم عمل عمليه قلب مفتوح فى أسرع وقت ممكن ومن الأفضل أن تتم العمليه خارج مصر

.

حســبنا اللـه ونـعم الوكيــل

تجديد حبس الشرفاء

قيادات الإخوان المسلمون لدى مغادرتهم نيابه أمن الدوله

من اليمين / الأستاذ السيد نزيلي مسئول الإخوان المسلمون بمحافظه الجيزه ، الأستاذ حمدي إبراهيم مسئول الإخوان المسلمون بشمال القاهرة ، الدكتور محى الظايط نائب مسئول الإخوان بشرق القاهرة

الدكتور سناء أبوزيد والمهندس خالد البلتاجى وفى الخلف الدكتور عصام العريان

المهندس نبيل مقبل والأستاذ السيد نزيلي

أهالى الإخوان وقد إلتفوا حول سيارة الترحيلات

جحافل الأمن المركزى المدججه بالسلاح والعصى والهراوات وقد حاصرت النيابه

صور من إعتراض أفراد الشرطه على التصوير - ولولا ستر ربنا كانوا حياخدوا الكاميرا

الشرفاء فى السجن _ واللصوص فى السلطه

هى العربيات فين ؟؟؟؟

يوم الجمعه اللى فاتت كان ابويا معزوم على الغدا عند م.نبيل مقبل ... شويه وعرفنا انهم راحوا قبضوا على كل اللى راحوا يتغدوا ... يمكن يكون ده تمهيد لتعديلات دستوريه جديده تمنع اى حد يروح يتغدى عند أى حد

برضه مش دى المشكله ........ المشكله اننا قعدنا ندوّر لحد الساعه 2 بالليل على عربيه أبويا وعربية د. سناء وعربية د. عصام .... وليس لهم أى أثر

المفاجأه إننا تانى يوم لما رحنالهم النيابه عرفنا إن جحافل أمن الدوله بعد ما أخدوهم قاموا خدوا العربيات على مقر أمن الدوله اللى فى شارع جابر بن حيان فى الدقى

برضه مش دى المشكله ........ المشكله إن جهاز أمن الدوله السمعه بتاعته بقت دون مستوى الشبهات (طبعاً هى كده من زماااااااان) بس زادت شويتين بعد موضوع الخزينه بتاعت أ.حسن مالك اللى نهبوا اللى فيها

الخلاصه : ربنا يستر والعربيات ما تحصلش خزينه أ. مالك ونعرف نرجعها ...... دعواتكم